«Asia MIX» КВН командасының жетекшісі Елдияр Кененсаров Қырғызстандағы TikTok-тың жабылу ықтималдығы туралы айтып, қырғыздар мен қазақтардың көптеген ғасырлар бойы демократиясыз өмір сүргенін жеткізді, деп хабарлайды Ulysmedia.kz 24.kg сайтына сілтеме жасап.
«Қырғыздар мен қазақтар көптеген ғасырлар бойы демократиясыз өмір сүрді, бұл жақсы болды. Ең бастысы, аман-есен. Біз бешбармақ жейміз...», – деді әзілкеш.
Ол бұл бастамаға жастардың қарсы екенін, ал әлеуметтік желіге қосылмаған ересек буын елде TikTok-ты бұғаттауды қолдайтынын атап өткен.
«Ал мен сияқты бейтарап адамдар бар. Ол жерде өз парақшамыз бар болса да, маған бәрібір», - деді Елдияр Кененсаров.
Қырғызстан президенті өзінің «болашақты болжай білу қабілетіне ие» екенін мәлімдеген.
