Қор биржасындағы (KASE) сауда-саттық қорытындысы бойынша, 1 доллардың теңгеге қатысты бағамы арзандады, деп хабарлайды Ulysmedia.kz.
Күндізгі сауда-саттық мәліметіне қарағанда, доллар бағамы 0,75 теңгеге төмендеп, 1 доллар 447,17 теңге болды. Ұлттық банктің 14 ақпандағы ресми бағамы – 1 доллар үшін 447,99 теңге.
Kurs.kz мәліметінше, Алматыдағы ақша айырбастау пунктерінде доллардың сату бағамы – 447,5 теңге, сатып алу – 449,7 теңге. Ал, Астана қаласы бойынша сату бағамы – 446,5 теңгеден болса, сатып алу – 450,5 теңге.
Алматыда Ресей рублі 4,85 – 4,97 теңге аралығында саудаланып жатыр. Астанада көрші ел валютасы 4,88 – 4,92 теңгеден сатылуда.