Шымкентте білім беру жүйесі бірнеше бағытта қатар дамып келеді. Соңғы екі жылда қалада 13 жаңа мектеп пайдалануға берілсе, биыл тағы бірнеше оқу орнының қосымша ғимараттары салынып жатыр. Мектепке дейінгі ұйымдардағы орын санын арттыру, колледждерді еңбек нарығына бейімдеу, педагогтердің біліктілігін көтеру және білім беру үдерісіне цифрлық технологияларды енгізу де күн тәртібінде. Қазір қаладағы білім беру ұйымдарында 400 мыңнан астам бала оқиды. Ал білім саласына қалалық бюджеттің шамамен үштен бірі бағытталады, деп хабарлайды Ulysmedia.kz.