Қазақстан ондаған жыл бойы шетелдік инвесторларға қолайлы жағдай жасап, келісімдер жасасты, олардың талаптары өзгермейтініне кепілдік беріп, салған қаржысын қорғауға міндеттенді. Бірақ инвестордың мүддесі мемлекеттің өз мүддесімен қабыспай қалса, не болады? Қазақстан бұрын қабылданған ойын ережелерін қайта қарай ала ма? Мұнай экспорттайтын бағыттарды таңдауда еліміз қаншалықты еркін? Шикізаттан миллиардтаған табыс табатын мемлекеттің неге әлі күнге дейін ірі халықаралық корпорациялармен тең дәрежеде келіссөз жүргізе алатын заңгерлері аз?
Ulysmedia.kz бас редакторы Самал Ибраева осы мәселелерді мұнай-газ саласының заңгері Мира Досовамен талқылады. Әңгіме мұнайдан бұрын мемлекеттің өз мүддесін құқықтық, экономикалық және кәсіби тұрғыдан қорғай алу қабілеті туралы өрбіді.