×
477.03
521.44
5.43
#қаңтар қақтығысы #Украинадағы соғыс #жемқорлық #тағайындау
477.03
521.44
5.43

Қазақстанда шаруаларға киіктерден келген шығын өтелмейді

26.06.2024, 11:07
Коллаж: ulysmedia.kz.

Мұның себебі – шаруалардың киіктің таптауынан келген шығынды есептеудің бүгінгі таңда әдістемесі де, реттейтін қағдидаты да жоқ. Ал Ауыл шаруашылығы министрлігінің шығынды есептерлік құзыреті жетпейді, деп хабарлайды Ulysmedia.kz.

Шаруалардың шығынын қалай өтейміз

Бүгін Мәжіліс отырысында депутат Анас Баққожаев киіктердің шаруаларға келтіретін шығыны мәселесін тағы көтерді.

– Біз нақты сұрақтарға нақты жауап беруіміз керек. Елді асырап жүрген шаруалар еш шығынға батпауы тиіс. Киіктен зардап шеккен шаруалардың шығыны өтеле ме? Ақша жоқ болса, айтыңыздар. Қалай шешеміз? – деп сұрады ол.

Жауап

Сұраққа алдымен жауап берген Ауыл шаруашылығы вице-министрі Ермек Кенжеханұлы шынымен де, бүгінгі таңда шаруалардың мазалайтын ең үлкен мәселенің бірі осы екенін айтады.

– Әрине мұны толық шешуде бірнеше күрделі мәселе бар. Біріншіден, АШМ-де шаруалардың киіктің таптауынан келген шығынды есептеудің бүгінгі таңда әдістемесі жоқ. Реттейтін қағдидаты да қарастырылмаған. Екіншіден, тиісті әдістемені әзірлеуге біздің министрлкітің құзыреті жоқ. Шығындарды, залалдарды мүмкіндік жоқ екенін ескертеміз, – дейді ол.

Соған қарамастан вице-премьер Серік Жұманғариннің тапсырмасына сәйкес, шаруалардың жер алқаптарының таптауына келтірілген шығындарды өтеудің сақтандыру тетіктерін әзірленіп жатыр.

– Салалық сарапшыларға тиісті тапсырма берілді. Сақтандыру тетіктерін әзірлейміз. Соның қорытындысы бойынша тиісті шаруалардың өз алқаптарын сақтандыруға мүмкіндіктері болады, – деді Кенжеханұлы.

Қаржы министрлігінің позициясы

Ал Қаржы вице-министрі Дәурен Темірбеков Ауыл шаруашылығы министрлігіне тиісті бюджетті тапсырыс келген жоқтығын айтады. Тиісті өзгерістер заңға енгізілген жағдайда олар шаруалардың шығынын өтеу мәселесін қарастыруға дайын.

Серіктес жаңалықтары