×
448.89
487.09
4.89
#2023жылқорытынды #қаңтар қақтығысы #сайлау #Украинадағы соғыс #Палестина #жемқорлық #тағайындау
448.89
487.09
4.89

Энергетика саласы: Кадр жоқ, проблема көп

07.12.2023, 17:40
Ашық дереккөзден

Энергетика министрлігінде электр энергетикасы саласында кадр даярлау мәселесі туралы кеңес өтті. "Қазақстандық салалық энергетиктер кәсіподағы" ҚБ төрағасы Оразбек Бекбас бірқатар мәселені жіпке тізді, деп хабарлайды Ulysmedia.kz.

"Энергетика саласында маман даярлау деңгейі жүктемеге, өндірістегі жобалардың күрделілігіне және оларды іске асыру жылдамдығына жауап бермейді. Салдарынан жұмысты жедел орындау мерзімінің бұзылуына, объектілерді тапсыру және енгізу мерзімінің кешігуіне әкеледі. Мамандықтың беделі  бұрынғымен салыстырғанда төмендеді. Жастар энергетикаға барғысы келмейді. Кадр даярлаудан бөлек, мамандарға сапалы еңбек жағдайын жасау үшін шұғыл шаралар қабылдау қажет", - деді Бекбас.

Оның мәліметінше, соңғы жеті жылда саладағы жас кадрлардың үлесі төмендеп, керісінше 50 жас санатында және одан жоғары жастағылар саны артып барады. Жаңадан қабылданған персоналдың 40%-і алғашқы жылы-ақ жұмыстан шығып кетеді екен

Сондай-ақ кеңесте қазақстандық энергетиктер салалық кәсіподағы мен электр энергетикасы қауымдастығының өкілдері баяндама жасады. Қатысушылардың пікірінше, аталған проблемаға еңбекақының төмендігі және әлеуметтік қолдау шараларының жоқтығы себеп болып отыр.

Кеңес қорытындысы бойынша жұмыс беруші мамандарды оқытуға ақы төлеген жағдайда міндетті пысықтау туралы тармақты еңбек шартына енгізуді көздейтін Еңбек кодексіне өзгерістер енгізу мүмкіндігін қарастыру туралы шешім қабылданды.

Сонымен қатар, электр энергетикасы саласының қызметкерлеріне әлеуметтік төлемдерге, сондай-ақ кадр даярлауға жіберілетін төлемдерге шығынды тарифке енгізу мүмкіндігін қарастыру жоспарланып жатыр.

Серіктес жаңалықтары