Қазақстандық теннисші Елена Рыбакина 2024 жылдың алғашқы ресми ойынында жарқын жеңіске жетті. Ол Аустралияның Брисбен қаласында жалауын желбіреткен WTA 500 турнирінде жергілікті теннисші Оливия Гадекиді ұтты, деп хабарлайды Ulysmedia.kz.
Кездесу 1 сағат 12 минутқа созылды. Нәтижесінде Елена 6:4 және 6:1 есебімен басым түсті.
Енді отандасымыз 1/8 финалда бельгиялық Элиза Мертенспен ойнайды. Бұл кездесу 4 қаңтарға жоспарланған.
Бұған дейін Елена Рыбакинаның 2023 жылды табысты аяқтағанын жазған едік.