Венесуэланың Монагас штатында Мемлекет басшысы Николас Мадуроның өміріне қастандық жасамақ болған екі адам ұсталды, деп хабарлайды Ulysmedia.kz.
«РИА Новости» агенттігі күдіктілер ондаған сарбаз жинап, қару-жарақтарын сайлап, бүлік ұйымдастыруды жоспарлағанын жазды.
Елдің Бас прокуратурасы ұсталғандар Ұлттық гвардияның дезертир-сержанты Ренцо Флорес және «Дело R» саяси ұйымының Уилфер Хосе Пинья екенін мәлімдеді.
Сондай-ақ бас прокурор Саабтың айтуынша, олардың «Бірге Монагас үшін» саяси ұйымының мүшелері екені белгілі болған. Ұсталғандардың ұялы телефондарын тексеру барысында қару-жарақ алу және бүлік ұйымдастыру үшін 50 сарбазды тарту туралы әңгімелер анықталған.
Венесуэла прокурорлары ұсталғандарға қылмыстық сөз байласу және кісі өлтіруге әрекет жасады деген айып тағып отыр.