Сыбайлас жемқорлыққа қарсы қызметтің мәліметінше, қазір олардың қарауында Бағдат Мусинге қатысты қылмыстық іс жоқ, деп хабарлайды Ulysmedia.kz.
Сыбайлас жемқорлыққа қарсы қызмет бұрынғы цифрлық даму, инновациялар және аэроғарыш өнеркәсібі министрі Бағдат Мусиннің қызметінен босатылуы туралы түсініктеме берді. Мусин қызметінен кеткеннен кейін “оның үстінен іс қозғалыпты” деген сыңайда сыбыс тараған еді.
Толығырақ
– Қазіргі уақытта сыбайлас жемқорлыққа қарсы іс - қимыл агенттігі мен оның аумақтық қылмыстық бөлімшелерінің бұрынғы цифрлық даму, инновациялар және аэроғарыш өнеркәсібі министрі Мусинге қатысты өндірісінде жоқ, - делінген хабарламада.
Еске сала кетейік, Бағдат Мусин 30 сәуірде қызметінен босатылды. Оның орнына Жаслан Мәдиев келді.
Мусиннің Министрлер кабинетінен шығып қалуы жайлы жаңалыққа қазақстандықтар түрлі реакциялар білдіріп жатты. Бірі – «сауап болды, бос ауа теуіп жүрген еді» десе, енді бірі – «ел үкіметінде халыққа пайдалы дүниелер жасап жүрген жансебіл министр еді» деп өкініштерін жасырмады.
Қоғам бір министр жайлы неге екі түрлі пікірде? Мұның жайын Ulysmedia.kz тілшісі анықтап көрген еді.
