Tonkin-ді Астана халықаралық қаржы орталығының реттелетін ортасына енгізу институционалдық және жеке инвесторлардың жаңа толқынын тартатыны айтылады, деп хабарлайды Ulysmedia.kz.
– AFSA кешенді тексеру нәтижелері бойынша шешім қабылдады. Toncoin AFSA белгілеген нормативтік стандарттарға сәйкес келетіні анықталды. Енді инвесторлар сенімді реттеуші базаны және АХҚО белгілеген инвесторларды қорғау шараларын пайдалана отырып, AFSA лицензияланған платформаларда Toncoin сауда жасай алады, - делінген хабарламада.
Бұл қауіпсіз және ашық сауда нұсқаларын іздейтін институционалды әрі жеке инвесторлардың жаңа толқынын тартады деген болжам бар.
Toncoin
Toncoin-ды Telegram негізін қалаушы Павел Дуров құрды. Toncoin – бұл Telegram Open Network деп аталатын түпнұсқа. Telegram блокчейн жобасы ретінде басталған криптовалюта әрі жергілікті Тhe Open Network-ты (TON) таңбалауышы.
Қазақстанға шақырылған
Бұған дейін Павел Дуров Франция азаматтығын алғанын жариялап, жаз бойы Орталық Азияға баратынын айтқан еді. ВКонтакте және Telegram әлеуметтік желісінің негізін қалаушы Павел Дуровтың Қазақстанға келді.
Бұған дейін Қазақстанның цифрлық даму министрі Жаслан Мәдиев Павел Дуровты Қазақстанға шақырған болатын.
Бірнеше апта бұрын қырғыз бұқаралық ақпарат құралдары Павел Дуровтың Ыстықкөлге барғанын хабарлаған.
"Дуровтар "Қырғыз Куршевель" мемлекеттік кәсіпорны аясында "үш шың" жобасы үшін инвестор ретінде тартқысы келеді. Сонымен қатар, Дуровтың танымал есімі бар. Бұл одан да көп әлеуетті инвесторларды тартуға және жарнамалауға мүмкіндік береді",— деп жазады Kaktus media.
2018 жылы Қазақстан Журналистер одағы Павел Дуровқа цензураға және азаматтардың интернеттегі еркін хат алмасуына мемлекеттің араласуына қарсы ұстанымы үшін марапат табыс еткен еді.