Маңғыстау облысында мұнай тиелген жүк көлігі өртенді, деп хабарлайды Ulysmedia.kz.
Оқиға туралы Төтенше жағдайлар министрлігі хабарлады. Өрт Жаңаөзен қаласы маңында, облыстық мәндегі тас жолының «Жаңаөзен - Жетібай ауылы» учаскесінде болған.
Алдымен жүк көлігінің артқы дөңгелектері өртенген. Белгілі болғаны, көлік цистернасына мұнай толтырылған екен.
«Өрт сөндірушілер қоңырау түскен сәттен бастап 35 минут ішінде өртті сөндірді», - делінген хабарламада.
Оқиға салдарынан зардап шеккендердің бар-жоға және өрттің шығу себебі анықталып жатыр.
