Бұл туралы әлеуметтік желіде қазақстандық боксшының менеджері Берік Сұлтан жазды, деп хабарлайды Ulysmedia.kz.
«Ал, ағайын жақсы жаңалық! WBO чемпионы Андрадеге ресми түрде міндетті қарсылас атандық! Бұйыртса алда чемпиондық жекпе-жек! Құдай қаласа әлем чемпионы болатын күн де алыс емес! QAZAQ STYLE-ды тарихта қалдырамыз!» - деп жазды Берік Сұлтан.
Еске сала кетсек 27 жастағы қазақстандық боксшы WBA нұсқасы бойынша орта салмақтағы бұрынғы чемпион, француз боксшысы Хасан Ндам Нжикаммен (38-5, 21 КО) кездесіп, белдеуін қорғап қалған болатын. Жәнібек Әлімханұлы кәсіпқой бокстағы он бірінші жеңісіне қол жеткізіп, WBO Global чемпионы титулын сақтап қалды. Хасан Ндам Нжикам кәсіпқой бокста алтыншы рет жеңілді.