Видеограф әрі блогер Азамат Сәрсенбаев Маңғыстау жағалауында Қызыл кітапқа енгізілген жүзден астам итбалықтың өлексесі табылғанын хабарлады, деп жазады Ulysmedia.kz.
ТОЛЫҒЫРАҚ
Блогердің хабарлауынша, дауылдан кейін Түпқараған ауданындағы жағалауға өлген итбалықтар лақтырылған. Қазіргі уақытта ғалымдар 151 ұшаны санады. Олардың көбінің денесінде механикалық зақым бар.
– Итбалықтың жаппай қырылуына не себеп болғаны әлі белгісіз, – дейді ол.
ӨЛІ ИТБАЛЫҚТАР
Бұған дейін Каспий теңізінің жағасында, Форт-Шевченко қалалық жағажайының маңында жергілікті тұрғындар үш итбалықтың өлексесін тапқан.
Қазақстанда сирек кездесетін балықтар мен итбалықтарды ғылыми мақсатта ауланатыны белгілі болды.
Мұның алдында Қазақстанда Каспий теңізінің ғылыми-зерттеу институты құрылатыны хабарланған.
Су ресурстары және ирригация министрлігі институт Каспий теңізінің экологиялық проблемаларын: су деңгейін төмендету проблемасын, итбалықтар мен балықтардың жаппай қырылу себептерін, Каспий итбалықтарының популяциясын сақтау мәселелерін, ихтиофаунаны, су айдыны мен Каспий жағалауын зерттейтінін жариялады.
Тіпті, ведомство "институт теңіз экожүйесі туралы объективті және тәуелсіз ақпарат береді" деп сендірді.