Израиль парламенті Кнессет дүйсенбі күні дауыс беру арқылы БҰҰ-ның палестиналық босқындарға көмек көрсету агенттігінің (БАПОР немесе UNRWA) Израильде және оның бақылауындағы аумақтарда жұмыс істеуіне тыйым салатын екі заң қабылдады, деп хабарлайды Ulysmedia.kz.
КҮДІКТЕНГЕН СОҢ ОСЫЛАЙ ІСТЕГЕН
Израиль өткенде агенттікті палестиналық радикалдық топтармен ынтымақтастық жасады деп айыптаған. Израильдің барлау қызметі БАПОР-дың кемінде 12 қызметкері 7 қазанда ХАМАС-тың Израильге шабуылына қатысы бар екенін мәлімдеді, сол шабуылда 1200-ден астам израильдік қаза тауып, шамамен 250 адам тұтқынға алынған.
АЗАПТЫ АРТТЫРАТЫН ШЕШІМ
Таяу Шығыс бойынша агенттіктің жетекшісі Филипп Лаззарини Кнессет шешімін “Израильдің халықаралық заңнама бойынша міндеттемелерін бұзады” деп айыптады. Ол бұл шешім палестиналықтардың азаптарын одан әрі арттыратынын айтты.
«БАПОР-ға балама жоқ. БАПОР – басып алынған палестиналық территориядағы босқындарға қажетті көмек көрсету жүйесінің негізі», – деді БҰҰ Бас хатшысы Антониу Гуттериш.
ӘЛЕМ ЕЛДЕРІ НЕ ДЕЙДІ
Бұған дейін әлемнің бірнеше елі осындай қадам гуманитарлық көмекті Газа секторының израильдік операция аймағында тұратын палестиналықтарға жеткізуді қиындатуы мүмкін екендігі туралы алаңдаушылық білдірген.
АҚШ Мемлекеттік департаменті БАПОР-дың жұмысын тыйым салу мүмкіндігіне байланысты «терең алаңдаушылық» білдірді, өйткені агенттік гуманитарлық көмекті таратуда аса маңызды рөл атқарады.