Калифорнияның оңтүстігіндегі орман өртінен кемінде 25 адам қаза тауып, 13 адам із-түзсіз кеткен, деп хабарлайды Ulysmedia.kz.
МӘН-ЖАЙ
Лос-Анджелес округіндегі жаппай өрт 25 адамның өмірін қиды. Олардың 17-сі Пасадена аймағында және тағы сегізі Пасифик-Палисейдсте қайтыс болды. 13 адам із-түзсіз жоғалған деп есептелді, бірақ билік олар аман деп болжап отыр.
МАРОДЕРЛЕР
Полиция өртке қатысы бар деген күдікпен 14 адамды қамауға алды, оның ішінде үшеуі өрт қойды деген күдікке ілінді. Сондай-ақ коменданттық сағатты бұзғандар, өзін өртсөндірушілер немесе полиция қызметкерлері ретінде көрсеткендер, вандализм және тонаумен айналысқандар қамауға алынады. Полиция тонау тек мүлікке зиян келтіріп қана қоймай, эвакуацияланған азаматтардың қауіпсіздігіне нұқсан келтіретінін баса айтты.
Тонаумен күресу үшін кейбір аудандарда сағат 18.00-ден таңғы 6-ға дейін коменданттық сағат жарияланды.
АЙТА КЕТЕЙІК
АҚШ-тағы жойқын өрт кезінде танымал актриса қайтыс болды. «Ағайынды Блюз», «Он өсиет» және «Леди блюз ән салады» сияқты танымал фильмдерге түскен америкалық актриса Дэйлис Карри Алтадиндегі (Калифорния) жойқын кезінде қаза тапты.
Дэйлис Кари өзінің соңғы күнін ауруханада өткізді, содан кейін немересі Келли актрисаны үйіне алып кетті. Түнде Келли әжесінің үйінде электр қуатын сөніп қалғаны жөнінде хабарлама алған. Үй жағына келген кезде ол баспана Eaton Fire деп аталатын әйгілі өрттен толық жанып кеткенін көрген.