Астанада блогер Әлібек Ермағамбетовтың ұсталғаны туралы ақпарат тарады. Полиция бұл дерекке қатысты пікір білдірді, деп хабарлайды Ulysmedia.kz.
Блогер ұсталғаны туралы телеграм арналар мен бірнеше БАҚ хабарлай бастаған болатын.
ПОЛИЦИЯ
Алайда Астананың полиция департаменті бұл ақпаратты жоққа шығарды.
- Блогер ұсталғаны туралы таратылған ақпарат шындыққа жанаспайды. Астана қаласының полиция департаменті блогер Әлібек Ермағамбетовпен бірге есірткіге қарсы іс-қимыл және оның салдары туралы әлеуметтік ролик түсірді, дейді ПД өкілдері Ұлысмедиа тілшісіне берген жауабында.
БЛОГЕР ТУРАЛЫ НЕ БЕЛГІЛІ
Әлібек Ермағамбетов Instagram-д 467 мың оқырманы бар белгілі блогер.
Соңғы видеосы қосымша құн салығына қатысты болған. Видео жарты миллионнан аса қаралым жинаған. 2,6 мыңнан аса пікір жазылған.