Маңғыстау облысындағы Оймаша ауылында (бұрынғы Приозерный) орналасқан көлдің ластану қаупі төніп тұр — оның жағалауы құрылыс қалдықтарына айналған. Мұны алаңдаушылық білдірген жергілікті тұрғындар мәлімдеді, деп хабарлайды Ulysmedia.kz Lada.kz-ке сілтеме жасап.
МӘН-ЖАЙ
Тұрғындардың айтуынша, кейінгі айларда ахуал күрт нашарлаған.
Құрылыс компаниялары көлдің маңына плитка, бетон блоктары мен кірпіш қалдықтарын төгіп, көлді заңсыз қоқыс алаңына айналдырып жатыр.
ДӘЙЕКСӨЗ
– Қазір Оймаша көлін тану мүмкін емес: қоқыс үйінділері көбейіп кетті, әсіресе құрылыс қалдықтары – плитка, бетон, кірпіш сынықтары көп. Кейбір құрылыс фирмалары көлді тегін қоқыс орны ретінде пайдаланып жатқандай әсер қалдырады. Түнде келіп қалдық төгетін жүк көліктерін бірнеше рет байқадық. Тазалыққа ешкім жауап бермейді, жергілікті қызметтерге жасалған өтініштерден нәтиже жоқ. Табиғатымыздың көз алдымызда қоқысқа айналып бара жатқаны өте өкінішті, – дейді Айдар Сәрсенбаев есімді ауыл тұрғыны.
Тұрғындар көл шомылуға тыйым салынғанына қарамастан, оны көрікті демалыс орнына айналдыруға болар еді деп есептейді. Абаттандырылған аллеялар, балалар алаңдары мен шатырлы орындар жағалауды түрлендіре алар еді, бірақ, өкінішке қарай, бұл аумақ барған сайын қоқысқа толып барады.