Ұлттық қауіпсіздік комитеті бұған дейін БАҚ-та жарияланған, сыртқы істер министрі Мұрат Нұртілеудің және бірнеше жоғары лауазымды ҰҚК қызметкерінің ұсталғаны жөніндегі ақпаратқа қысқа хабарлама арқылы жауап берді, деп хабарлайды Ulysmedia.kz.
МӘН-ЖАЙ
- “Орда” ақпараттық сайтында ҰҚК-нің бірнеше жоғары лауазымды қызметкері ұсталған деген ақпарат жарияланды. Ұлттық қауіпсіздік комитеті бұл мәліметтің шындыққа сәйкес еместігін хабарлайды, – деп мәлімдеді ведомство.
КОНТЕКСТ
Осыған дейін Қазақстан сыртқы істер министрлігі де дәл осындай ақпаратты жоққа шығарған болатын. Министрліктің ресми өкілі Айбек Смадияров бұл ақпаратты тарату журналистік этикаға және еліміздегі қолданыстағы заңнамаға қайшы әрекет деп бағалайтынын айтты.
Сонымен қатар, мәдениет және ақпарат министрі Аида Балаева кәсіби БАҚ пен журналистердің міндеттерін орындауға шақырып, тексерілмеген ақпаратты таратпауға назар аударуды ұсынды.