Каспий теңізіндегі құйын әдеттегі құбылысқа айналып, Әзербайжанның мұнай өнеркәсібі мен жағалау тұрғындарына қауіп төндіруі мүмкін, деп хабарлайды Ulysmedia.kz.
ТОЛЫҒЫРАҚ
Алдыңғы күні Дербент тұрғындары әлеуметтік желіде Каспий теңізіндегі екі қуатты құйынның бейнежазбасын жариялады. Кадрларда алып, биік айнала көтерілген шеңберлі бұлт анық көрінеді.
ПІКІР
Метеоролог Джавад Алиевтің айтуынша, жақын болашақта мұндай құбылыстар жиілеуі ықтимал, деп жазады Minval. Оның сөзінше, олардың пайда болуына теңіз суының температурасының көтерілуі мен атмосферадағы тұрақсыздық әсер етеді. Құйындар температура мен ылғалдылықтағы күрт айырмашылық кезінде пайда болады: жылы ауа көтеріледі, ал суық ауа төмен түседі. Бұған дейін Кавказ таулары мұндай құбылыстарды тежеп келген, бірақ енді олар Әзербайжан су айдынында да байқалуы мүмкін деген алаңдаушылық бар. Әдетте құйын жағалауға жетпейді, алайда кейде ерекшеліктер болады. Бұл әсіресе мұнай платформаларына зақым келтіруі мүмкін.
ТАЙЫЗДАНУ
Каспий теңізі Аралдың қайғылы тағдырын қайталағандай, жылдам тартылып барады. Жыл сайын экологтар дабыл қағуда, тек теңіздің өзі мен ондағы балықтар, жануарлар мен құстар ғана емес, сонымен қатар өмірі теңізбен тығыз байланысты миллиондаған адамның әл-ауқатына қауіп төніп тұрған болуы мүмкін.