2025 жылдың қазан айында «ҚазТрансОйл» компаниясының мәліметінше, «Дружба» мұнай құбыры жүйесі арқылы Германияға 225 мың тонна мұнай тасымалданған. Қазақстан бұл бағыттағы экспорт көлемін жылына 2,5 миллион тоннаға дейін ұлғайтуды жоспарлап отыр, деп хабарлайды Ulysmedia.kz.
ТОЛЫҒЫРАҚ
«Интерфакс-Қазақстан» агенттігі 4 қараша, сейсенбі күні «ҚазТрансОйл» ұлттық компаниясына сілтеме жасап хабарлағандай, 2025 жылдың қазанында «Дружба» жүйесі арқылы Германияға тасымалданған қазақстандық мұнай көлемі 225 мың тоннаны құрады — бұл қыркүйекпен салыстырғанда 25 пайызға көп.
Компания нақтылағандай, «ҚазТрансОйл» АҚ 2025 жылдың қазанында ПАО «Транснефть» магистральдық мұнай құбырлары жүйесіне «Адамова застава» мұнай қабылдау пункті арқылы Германияға жеткізу үшін 225 мың тонна қазақстандық мұнай тапсырған.
ГЕРМАНИЯҒА ЖЕТКІЗУДІ ҰЛҒАЙТЫП ЖАТЫР
Қазақстан 2023 жылдан бастап «Дружба» жүйесі арқылы Германияға мұнай жеткізе бастады. 2024 жылы бұл бағытта 1,5 миллион тонна шикізат экспортталды. Бастапқыда «ҚазМұнайГаз» 2025 жылы осы көлемді сақтауды жоспарлағанын мәлімдеген, алайда кейінірек компания бұл көрсеткішті 2 миллион тоннаға дейін жеткізуді көздейтінін хабарлады.
2025 жылдың қазанында «ҚазМұнайГаз» басшысы Асхат Хасенов жыл қорытындысы бойынша Қазақстан Германияға 1,7 миллион тонна мұнай жеткізуді жоспарлап отырғанын нақтылады.
Қазақстан мен Германия «Дружба» мұнай құбыры арқылы мұнай жеткізуді арттыру мәселесі бойынша тұрақты түрде келіссөздер жүргізіп келеді. Қазақстанның энергетика министрі Ерлан Аккенженовтің айтуынша, жүйенің техникалық мүмкіндігі экспорт көлемін жылына 2,5 миллион тоннаға дейін жеткізуге мүмкіндік береді.