«Лукойлдың» ішінде Қазақстандағы жобалар да бар шетелдік активтеріне жаңа сатып алушы табылды, деп хабарлайды Ulysmedia.kz.
ТОЛЫҒЫРАҚ
Reuters мәліметінше, ірі инвестициялық компания Carlyle «Лукойлдың» шетелдік активтерін шамамен 22 млрд долларға сатып алуды қарастырып жатыр. Бұған дейін Gunvor компаниясымен жасалмақ болған келісім бұғатталған еді.
Ең маңыздысы – Carlyle келісімді аяқтауға қажетті АҚШ лицензиясын дедлайн біткенше (бір апта қалды) алып үлгере ме, жоқ па. Себебі бірқатар елдер бұл активтерді мемлекет меншігіне қайтару мүмкіндігін талқылап жатыр. Сол елдердің ішінде Қазақстан да бар.
— Егер келісім іске асса, бұл АҚШ-тың санкциялар мен реттеуші тетіктер арқылы ресейлік компанияларды шетелдегі энергетикалық активтерден кезең-кезеңімен шеттетуінің жарқын мысалы болмақ — Шығыс Еуропадан бастап, Таяу Шығыс пен Орталық Азияға дейін. Қазақстан жағдайында бұл – мұнай-газ секторында Батыс капиталының үлесі артып, Мәскеудің дәстүрлі ықпал аймағы саналатын саладағы экономикалық әсерінің азаюын білдіреді, — деп жазды қаржы кеңесшісі Арман Батаев Telegram-дағы finmentor.kz арнасында.