Роскомнадзор WhatsApp мессенджері Ресей заңнамасын бұзды деп айыптап, сервис толық бұғатталуы мүмкін екенін мәлімдеді. Ведомство жаңа шектеулерді енгізіп, қолданушыларға отандық платформаларға көшуді ұсынып отыр, деп хабарлайды Ulysmedia.kz.
ТОЛЫҒЫРАҚ
WhatsApp Ресей аумағында толық бұғатталуы мүмкін. Роскомнадзордың мәліметінше, мессенджер ел заңдарын бұзып, қылмыстық әрекеттерге қолданылып отыр деп есептейді.
АЙЫПТАУЛАР МЕН ЖАҢАДАН ЕНГІЗІЛЕТІН ШЕКТЕУЛЕР
Ведомствоның дерегінше, WhatsApp террористік шабуылдарды жоспарлау мен ұйымдастыру, орындаушыларды жалдау, алаяқтық және өзге де қылмыстар үшін қолданылған. Роскомнадзор компанияны қауіпсіздік шараларын күшейту және ресейлік органдармен ынтымақтасу жөніндегі талаптарын елемеді деп отыр.
Сонымен қатар ведомство сервиске қатысты шектеулердің кезең-кезеңімен енгізілетінін хабарлап, ресейліктерді отандық мессенджерлерге ауысуға үндеді.
ҚАЗІРГІ ШЕКТЕУЛЕР
28 қараша күні таңертең Ресейдегі қолданушылар WhatsApp-та жұмысында ақаулар болғанын айтты. Бұған дейін, 2025 жылғы тамызда Роскомнадзор WhatsApp пен Telegram-дағы дауыстық қоңырауларды бұғаттаған еді. Кейін ведомство Ресейдің оңтүстігіндегі байланыс мәселелерін «қылмыскерлерге қарсы іс-қимыл үшін шетелдік мессенджерлердің жұмысына ішінара шектеу қоюмен» түсіндірген.
Роскомнадзордың мәліметінше, WhatsApp пен Telegram алаяқтық, бопсалау, азаматтарды диверсиялық және террористік әрекеттерге жиі қолданылып жүр. Сондай-ақ сервистердің иесі мұндай жағдайлардың алдын алуға жеткілікті шара қабылдамағанын хабарлады.
Ведомство қауіпсіздік талаптары орындалмаса, шектеулерді жалғастыра беретінін мәлімдеді.