Қасым-Жомарт Тоқаев Садыр Жапаровты Қырғыз Республикасы Жогорку Кенеші сайлауының табысты өтуімен құттықтады, деп хабарлайды Ulysmedia.kz.
ТОЛЫҒЫРАҚ
Мемлекет басшысы бұл айтулы саяси оқиғаның нәтижесі Қырғызстанды одан әрі дамыту жолындағы стратегиялық міндетті орындаудың батыл қадамы саналатынын атап өтті.
– Парламент сайлауы Сіздің қуатты әрі өркендеген ел құру бағдарыңыз халықтың жаппай қолдауына ие болғанын көрсетті. Стратегиялық серіктестік пен одақтастық сипатындағы қазақ-қырғыз қатынастары қарқынды дамып келеді. Ғасырлардан тамыр тартатын достығымызға, тату көршілік байланысқа және өзара қолдауға арқа сүйей отырып, жетістіктерімізді еселей түсетінімізге әрі Қазақстан мен Қырғызстан арасындағы ынтымақтастықты жаңа деңгейге шығаратынымызға сенімдімін, – деп жазды Тоқаев.
Қасым-Жомарт Тоқаев Садыр Жапаровтың бауырлас қырғыз халқының игілігі жолындағы жауапты мемлекеттік қызметіне толайым табыс тіледі.
Еске салайық, бұған дейін Қырғызстанда сайлауда дауыс сатып алу фактілері бойынша қылмыстық істер қозғалғанын жазған едік.
Оның айтуынша, ІІМ мен Орталық сайлау комиссиясына барлығы 256 құқықбұзушылық туралы хабарлама түскен. Соның 59-ы үгіт науқаны басталмай тұрып тіркелген.
Ведомство мәліметінше, істердің бесеуі – Бішкекте, екеуі – Шу облысында, тағы екеуі – Жалал-Абад облысында қозғалған. Тергеушілер ақша, материалдар және өзге де айғақтарды тәркілеп, осы істер бойынша 12 адам жауапкершілікке тартылып жатыр.