2026 жылдан бастап Қазақстанда салық есебінің көлемі 30%-ға қысқарады. Сонымен қатар есепке бірқатар міндетті жолдар (мысалы, салықтық жеңілдіктер бойынша) енгізіледі, деп хабарлайды Ulysmedia.kz.
Қандай есептер жойылады?
Жаңа Салық кодексіне сәйкес, міндеттемелер сомасы 1 млн теңгеден аспайтын жағдайда мүлік салығы бойынша есеп (701.01 нысаны) тапсырылмайды. Мұндай кезде салық төлеуші 700.00 нысанындағы декларацияны жылына бір рет ғана тапсырып, төлемді сол декларация негізінде жүзеге асырады, деп жазады Uchet.kz.
Сондай-ақ:
көлік салығы бойынша есеп (701.00 нысаны),
жер салығы бойынша есеп (701.01 нысаны)
толықтай алынып тасталады.
Қысқартылатын есеп нысандары
Жалпы алғанда, қолданыстағы 39 салық есебі нысанының кемінде 30%-ы жойылады. Атап айтқанда, келесі нысандар алынып тасталады:
101.01 – автоматтандыру арқылы;
180.00 – 100.00 нысанына қосымша ретінде;
240.00 – 270.00 нысаны арқылы;
421.00 – 400.00 нысанына қосымша ретінде;
540.00 – 100.00 нысанына қосымша ретінде;
560.00 – 590.00 нысанына қосымша ретінде;
570.00 – 590.00 нысанына қосымша ретінде;
701.00 – автоматтандыру арқылы;
871.00 – салық есептілігі нысандарынан шығарылады;
911.00;
912.00;
913.00.
Маңызды өзгеріс
Жаңа Салық кодексі тағы бір маңызды жаңашылдықты енгізеді. Егер заңды тұлғалар, жеке кәсіпкерлер және жеке практикамен айналысатын тұлғалар есептілікті уақытында тапсырмаса, салық органы жүйесі автоматты түрде нөлдік есептілікті қалыптастырады.
Осыған байланысты келесі шаралар қолданылмайды:
салықтық хабарлама жіберу;
банктік шоттарды бұғаттау;
әкімшілік айыппұл салу.