Қазақстан мен Ресей арасындағы шекарада бірнеше шақырымға созылған кептеліс пайда болды, деп хабарлайды Ulysmedia.kz.
ТОЛЫҒЫРАҚ
Көлік пен құжаттарды күшейтілген тексеру көп уақытты алып жатыр, соның салдарынан көп жүргізуші мерекені жолда қарсы алуы мүмкін. Бірнеше шақырымға созылған кептеліске Жаңа жыл қарсаңындағы қарбалас пен контрабанданың алдын алу мақсатында шекарада бақылаудың күшейтілуі себеп болған.
29 желтоқсандағы жағдай бойынша жеңіл автокөліктердің кептелісі 2 шақырымға жетеді, ал жүк көліктері одан екі есе көп жиналған.
БОЛЖАМ
Бұл кезек қаңтардың алғашқы күндеріне дейін болуы мүмкін. Сарапшылар жолға шығар кезде мұны ескеруге, әсіресе жаңа жылдың алғашқы күндері Қазақстаннан Ресейге қайтуды жоспарлап отырған азаматтарға мұқият болуға кеңес береді.