Гибридті көлік айдау қауіпті ме

ҒАЛЫМДАРДЫҢ ЗЕРТТЕУІ

Ғылыми Transport Policy журналының зерттеушілері Қытайдың Шанхай қаласында күнделікті қолданылатын 500 қосылатын гибридтің нақты жұмысын бақылап, көңіл көншітпейтін қорытындыға келген.

ҚАЛАЙ ЖҰМЫС ІСТЕЙДІ

Қосылатын гибрид екі түрлі режимде жұмыс істейді:

• CD (Charge-Depleting) – батареядағы энергияны белсенді пайдалану режимі.
• CS (Charge-Sustaining) – батарея босап қалған кезде ішкі жану қозғалтқышы негізгі күшті атқаратын режим.

Егер көлік иесі көлікті үнемі зарядтап, негізінен CD режимінде жүрсе, онда ол шынымен үнемді әрі экологиялық таза болып шығады.

Ал заряд сирек жасалса немесе мүлде жасалмаса, жағдай күрт өзгереді: көлік көбіне CS режимінде жұмыс істейді, яғни ішкі жану қозғалтқышы негізгі жүктемені көтереді, ал үлкен батарея тек артық салмаққа айналады.

НЕГЕ ҚУАТСЫЗ ЖҮРУ ҚАУІПТІ

Зерттеу нәтижесі бойынша, тұрақты зарядсыз қолданғанда зиянды шығарындылар айтарлықтай артады:

• Азот оксидтері – шамамен 62%
• Углеводородтар – шамамен 70%
• Көмірқышқыл газы – 46%

Бұл жағдайда көптеген қосылатын гибридтер отын үнемділігінен айырылып, қарапайым гибридтерге қарағанда көбірек шығарындылар бөледі. Негізгі себеп – батареядан пайда аз болғанымен, оның салмағы көлікті ауырлатып жібереді (әдетте 150–350 килограмм).

САЛМАҚ ПЕН ҮНЕМДІЛІК МЫСАЛДАРЫ

• Mitsubishi Outlander: қарапайым нұсқасы – 1770 кг, қосылатын гибрид – 2085 кг.
• Kia Niro PHEV: қарапайым гибридке қарағанда 110–115 кг ауыр.

ҚОРЫТЫНДЫ

Қосылатын гибридтің экономикалық және экологиялық артықшылығы тек тұрақты қуаттау кезінде ғана іске асады. Егер сіз көлікті жүйелі түрде тоқ көзіне қоспасаңыз, ұзақ мерзімде қарапайым классикалық гибрид әлдеқайда тиімді әрі экологиялық дұрыс таңдау болады.