Автосарапшы Алексей Алексеев қазақстандық полицейлерді қарапайым болуға шақырды, деп хабарлайды Ulysmedia.kz.
ТОЛЫҒЫРАҚ
Қазақстанның әр өңірінде полицияның «қалауына» қатысты жанжалдар ара-тұра туындап тұрады. Қымбат автокөліктерді сатып алу – шенділер тарапынан сынға жиі ұшырайтын мәселе. Автосарапшы Алексей Алексеевтің айтуынша, тәртіп сақшыларының сән-салтанатқа әуестігі — ішкі комплекстердің көрінісі. Оның сөзінше, полицейлер халықтың есебінен «люкс» көліктермен жүргісі келеді.
— Жол полициясына қымбат көліктер не үшін керек? Бізде патрульдік автокөліктер паркі бар, сондай-ақ, мысалы, президентті алып жүретін арнайы көліктері бар. Ондай жағдайда мәртебелі, салтанатты көрінетін бірнеше автокөліктің болуы түсінікті. Неге болмасқа? Бірақ ондай көліктердің саны шектеулі болуы керек — бар болғаны бірнешеу ғана. Президент мінетін көліктердің өзі де көп емес, шамамен 2–3 көлік қана. Ал қазіргі жағдай балалыққа ұқсайды. Бұл — әрі балалық, әрі комплекс. Яғни адамдар біздің, салық төлеушілердің есебінен қымбат көлік мініп көргісі келеді. Сәл қарапайым болуға да болады ғой, — деді автосарапшы Алексей Алексеев Airan арнасының эфирінде.
БҰҒАН ДЕЙІН
Еске салайық, бұған дейін Астана полициясы 176 млн теңгеге жол талғамайтын көліктер сатып алғаны хабарланған еді.