Қазақстандық қоғамдық даму институты жүргізген сауалнама бойынша, респонденттердің 69,3 %-ы медиада әйелдерді көбірек насихаттауды қолдайтынын айтқан, деп хабарлайды Ulysmedia.kz.
Сауалнама қорытындысы қандай?
Қазақстандық медиада әйелдерді кәсіби және әлеуметтік рөлдерінде көбірек көрсету қажет пе? Дәл осы сұрақты зерттеушілер респонденттерге қояды. Олардың 69,3%-ы осы пікірмен «иә, толығымен келісемін» және «келісемін деуге болады» деп жауап берген. Келіспеушілердің үлесі 24,4%-ды құрайды, ал 6,3%-ына жауап беру қиын болған.
Әйел бейнесі медиада әлі өзгермеген
Көбі қазақстандық медиада әлі күнге дейін әйел негізінен ана, келін, үй шаруасындағы әйел немесе ер адамның көмекшісі ретінде бейнеленетінін атап өтті. Сарапшылар осы архетиптердің шеңберінен шығып, ғалым, кәсіпкер, мемлекеттік қайраткер, спортшы әйелдерді көбірек насихаттау керек екенін айтты. Өйткені іскер, жетістікке ұмтылған әйел бейнесі олардың қоғамдағы мүмкіндіктерін неғұрлым кешенді және шынайы түсінуге мүмкіндік береді.
Осы ретте отбасы мен мансапты бір-біріне қарсы қоймай, үйлесімді модель ретінде көрсету маңызды. Бұл жеке және кәсіби өмір арасындағы тепе-теңдікті қалыптастыруға көмектеседі және жастарға үлгі көрсетеді.