Атырауда заңсыз бекіре балығын аулағандар ұсталды, деп хабарлайды Ulysmedia.
ТОЛЫҒЫРАҚ
Polisia.kz жазуынша, Атырау облысында заңсыз бекіре тұқымдас балық аулағандар ұсталды. Полиция қызметкерлері заңсыз айналымнан 4 тоннадан астам балық өнімін тәркілеген. Оның ішінде 911 келіден астам бекіре тұқымдас балық және шамамен 1 келі бекіре уылдырығы бар.
– Жуырда полиция қызметкерлері заңсыз айналымнан 4 тоннадан астам балық өнімін тәркіледі. Оның ішінде 911 келіден астам бекіре тұқымдас балық және шамамен 1 келі бекіре уылдырығы бар. Тәркіленген өнімнің барлығы "Орал-Атырау бекіре балық өсіру зауытына" тапсырылды. ЖПІШ басталғалы заңсыз балық аулау, сақтау, тасымалдау және балық өнімдерін өткізуге қатысты 152 құқық бұзушылық анықталды. Жеті қылмыстық іс бойынша сотқа дейінгі тергеп-тексеру амалдары жүргізілуде, – делінген Polisia.kz ақпаратында.
Polisia.kz мәліметінше, сонымен қатар, заңсыз аулауға арналған 19 құрал мен құқыққа қайшы әрекеттерде пайдаланылмақ болған 10 жүзу құралы тәркіленген.