Батыс Қазақстан облысында қызмет бабында жүрген екі полиция қызметкері қаза тапты. Қайғылы жағдай жол апаты салдарынан болған, деп хабарлайды Ulysmedia.kz.
Жол апатынан Тасқала аудандық полиция бөлімінің қызметкерлері – полиция майоры Абзал Үмбетқалиев пен полиция аға сержанты Нұрғали Әдиетов қаза тапты.
Екі полицей де қызметтік міндетін атқарып жүрген.
Қазақстанның ішкі істер министрі Ержан Сәденов қаза тапқандардың отбасы мен жақындарына көңіл айтты. Ол полиция қызметкерлері кәсіби борышын орындау кезінде қаза тапқанын атап өтті.
БҚО полиция департаментінің мәліметінше, жол апаты 3 шілдеде болған. Бұл дерек бойынша соталды тергеу басталды.
Қазір құқық қорғау органдары қайғылы жағдайдың барлық мән-жайын анықтау үшін тергеу және жедел-іздестіру шараларын жүргізіп жатыр.