Синоптиктер 10 шілдеге арналған ауа райы болжамын жариялады, деп хабарлайды Ulysmedia.kz.
ТОЛЫҒЫРАҚ
Жұма, 10 шілдеде Қазақстан аумағы арқылы атмосфералық фронттардың өтуіне байланысты еліміздің батысы мен солтүстік-батысында жаңбыр жауып, найзағай ойнайды, бұршақ түсуі мүмкін. Кей жерлерде нөсер жаңбыр жауып, екпіні күшті жел соғады.
Шығыс өңірлерде жауын-шашын біртіндеп тоқтайды. Ал оңтүстік және оңтүстік-шығыстағы таулы аймақтарда қысқа мерзімді жаңбыр мен найзағай сақталады.
Елдің қалған бөлігінде жауын-шашынсыз, аптап ыстық ауа райы болжанып отыр.
Күндіз ауа температурасы:
батыс пен оңтүстік-шығыста +33…+42 °C;
солтүстік-батыс, солтүстік және орталықта +32…+40 °C;
оңтүстікте +38…+45 °C;
шығыста +30…+38 °C дейін көтеріледі.