Қазақстанның Орталық сайлау комиссиясы «Әділет» партиясы ұсынған кандидаттар тізімін тіркеді. Осылайша, саяси ұйым кезектен тыс Құрылтай депутаттарының сайлауына қатысуға ресми түрде мүмкіндік алды, деп хабарлайды Ulysmedia.kz.
ТОЛЫҒЫРАҚ
Тіркелген партиялық тізімге 186 кандидат енгізілді. Оның ішінде 72-сі – әйел, 114-і – ер адам. Кандидаттардың орташа жасы – 45.
Партиялық тізімге құқық, ғылым, кәсіпкерлік, білім беру, денсаулық сақтау, цифрлық технологиялар, ауыл шаруашылығы, өнеркәсіп, мәдениет және азаматтық қоғам салаларының өкілдері енді. Олар бекітілген сайлауалды бағдарлама негізінде сайлауға қатысады.
«Әділет» партиясы Қазақстан Республикасы Әділет министрлігінде 2026 жылғы 1 маусымда тіркеліп, Құрылтай депутаттарының сайлауына алғаш рет қатысқалы жатыр. Құрылтай депутаттарының сайлауы 2026 жылғы 23 тамызда өтеді. Сайлауалды үгіт-насихат кезеңі басталғаннан кейін партия еліміздің барлық өңірінде сайлаушылармен кездесу өткізеді.
КОНТЕКСТ
1 шілдеден бастап Қазақстанда жаңа Конституция күшіне енді. Соған сәйкес қос палаталы Парламенттің орнына бір палаталы Құрылтай құрылды. Президент жаңа заң шығарушы органның алғашқы депутаттарын сайлауды 23 тамызға белгіледі.