2026 жылдың басынан бері Қазақстан халқының саны шамамен 105 мың адамға өсті, деп хабарлайды Ulysmedia.kz Ұлттық статистика бюросының деректеріне сілтеме жасап.
Қазақстанда қанша адам тұрады?
1 тамыздағы жағдай бойынша Қазақстан халқының саны 20 604 819 адам болды. Жыл басында бұл көрсеткіш 20 499 822 адам еді. Осылайша, жеті айда халық саны 104 997 адамға артқан.
Қазақстанда 10 531 747 әйел және 10 073 072 ер адам тұрады.
Ел халқының басым бөлігі қалаларда шоғырланған. Тамыз айының басында қалалық жерлерде 13,2 миллионнан астам адам тұрған. Жыл басынан бері қала тұрғындарының саны 126 649 адамға өскен.
Ауыл халқы азайған
Ал осы кезеңде ауыл тұрғындарының саны 21 652 адамға қысқарған. Жалпы ауылдық жерлерде шамамен 7,4 миллион қазақстандық тұрады.
Халықтың басым бөлігі бұрынғыдай ірі қалалар мен халық тығыз орналасқан өңірлерде шоғырланған.
Бірінші орында Алматы қаласы тұр – мұнда шамамен 2,3 миллион адам тұрады. Екінші орында – шамамен 2,1 миллион тұрғыны бар Түркістан облысы. Астанада шамамен 1,6 миллион адам тұрады. Алматы облысындағы халық саны да осы шамада.
Шымкент халқының саны – шамамен 1,3 миллион адам.