Астанада 7 қазаннан бастап тұрғын үй-коммуналдық инфрақұрылымды дамытудың 2023-2029 жылдарға арналған тұжырымдамасы аясында несиеге берілетін тұрғын үй бойынша өтініш қабылдау басталады, деп хабарлайды Ulysmedia.kz.
Қай үйлерден пәтер беріледі?
Тұрғын үй А91 көшесіндегі 36, 36/1, 36/2 және 36/3 үйлерінде орналасқан. Нысандардың кодтары – 10336, 10338, 10339 және 10340.
Барлығы 562 пәтер ұсынылады. Оның ішінде:
1 бөлмелі – 166 пәтер;
2 бөлмелі – 276 пәтер;
3 бөлмелі – 80 пәтер;
4 бөлмелі – 40 пәтер.
Тұрғын үйлер 5 қабатты, лифт қарастырылмаған. Пәтерлер таза әрленген күйде беріледі.
Өтініш қалай беріледі?
Өтінімдер 7-19 қазан аралығында Baspana Market сайтындағы жеке кабинет арқылы қабылданады.
Кандидаттарды іріктеу 21 қазанға жоспарланған.
Пәтер бағасы мен несие шарттары
Тұрғын үйдің 1 шаршы метрінің құны – 332 916 теңге.
Несие бойынша пайыздық мөлшерлеме – 5%. Жылдық тиімді сыйақы мөлшерлемесі (ЖТСМ) 5,2%-дан 5,8%-ға дейін.
Бастапқы жарна мөлшері – 10%-дан бастап.