Алматыда такси жүргізушісі шетелдік туристердің жолақысын төлеуден бас тартқанына шағымданды. Оның айтуынша, жолаушылар діттеген жеріне жеткен соң ақысын бермеген, деп хабарлайды Ulysmedia.kz.
Оқиға видеоға түсіріліп, әлеуметтік желілерде тарады. Такси жүргізушісінің айтуынша, жолаушылар жолақысын төлемеген.
Осы кезде шетелдіктердің бірі қолымен камераның бетін жабуға тырысқан.
Әзірге жанжалдың басқа мән-жайы белгісіз. Тараптардың не себепті келісе алмағаны және жолаушылардың кейін жолақысын төлеген-төлемегені туралы ақпарат жоқ.
Редакция оқиғаға қатысты ресми пікір алу үшін Алматы қалалық полиция департаментіне сауал жолдады.