2024 жылы төрт жыл алты айға бас бостандығынан айырылған қазақстандық журналист Данияр Әділбеков жазасын өтеу мерзімі аяқталмай тұрып, шартты түрде бостандыққа шықты. Сот оның жазасын жеңілдеткен. Енді журналист пробациялық бақылауда болады, деп хабарлайды Ulysmedia.kz.
Әділбековке заңгерлік көмек көрсеткен «Құқықтық медиаорталық» қоғамдық қорының мәліметінше, сот 2026 жылғы 22 қыркүйекте жазаны жеңілдету туралы өтінішті қанағаттандырған.
8 қазанда журналист бостандыққа шығып, отбасына оралды.
Алайда алдағы бір жарым жыл бойы ол пробациялық бақылау талаптарын сақтауға міндетті.
Әділбеков бостандыққа шығуына қатысты әзірге пікір білдірген жоқ.
Журналист 2024 жылғы наурызда «Дикая Орда» атты анонимді Telegram-арнада жарияланған жазбалардан кейін ұсталған.
Қылмыстық іс мемлекеттік құрылымдардың, коммерциялық ұйымдардың және жекелеген қоғамға танымал тұлғалардың қызметі туралы ақпарат таратумен байланысты болған.
2024 жылғы қазанда сот Әділбековті Қазақстан Қылмыстық кодексінің 274 және 419-баптары бойынша көрінеу жалған ақпарат таратқаны және көрінеу жалған сөз жеткізгені үшін кінәлі деп таныды.
Ол төрт жыл алты айға бас бостандығынан айырылды.
2025 жылғы қаңтарда апелляциялық сот үкімді өзгеріссіз қалдырды.
Осы іс бойынша мұнай трейдері Ерлан Саудегеров те жауапқа тартылып, үш жылға шартты түрде бас бостандығынан айырылған болатын.
