Орталық сайлау комиссиясы Парламент мәжілісі депутаттарының кезектен тыс сайлауының алдын ала нәтижелерін жариялады, деп хабарлайды Ulysmedia.kz.
“Кешеден бері 9 брифинг өткізілді, барлық ақпарат мүмкіндігінше шұғыл жеткізілді. Елде және шет елдердегі 10223 сайлау учаскесінде дауыс беру өтті”, – деді ОСК төрағасы.
Сайлауда 6 366 441 дауыс есептелген. Парламент мәжілісі депутаттарының кезектен тыс сайлауының алдын ала нәтижелері мынадай:
Аманат – 3 431 510 немесе 53,9%
Ауыл – 693 938 дауыс немесе 11,26%
Республика – 574 154 немесе 8,59%
ҚХП – 432 920 немесе 6,8%
Ақ жол – 535 139 дауыс немесе 8,41%
ЖСДП – 331 058 дауыс немесе 5,1%
Байтақ – 146 431 немесе 2,3%
Барлығына қарсы – 248 291 немесе 3,9%.
Кандидаттар асыға күтіп, соңғы бірнеше айда халықтың аузынан түспеген мәжіліс пен мәслихаттар сайлауы кеше 19 наурызда өтті. Орталық сайлау комиссиясы 19 наурыз сағат 22.15-тегі жағдай бойынша халықтың 54,19 пайызы дауыс бергенін хабарлады. Миллиондаған дауыстың кімдерге бұйырғаны Exit poll сауалнамаларында айтылды.