Алматы әуежайында мас күйдегі екі ресейлік рейстен шығарылды, деп хабарлайды Ulysmedia.kz.
Бұл туралы Көліктегі полиция департаменті хабарлады.
«Алматы – Астана» рейсінің қонуы кезінде ер адамдар агрессивті әрекет етіп, стюардессаларға балағат сөздер айтқан.
Тексеру барысында көлік полициясының қызметкерлері мас күйінде болған Ресей Федерациясының 34 жастағы азаматтарын анықтады. Медициналық куәландыру қорытындысы бойынша олар алкогольдік масаңдықтың «орта» және «жеңіл» дәрежесін анықтады.
Құқық бұзушыларға қатысты ӘҚБтК-нің 440-бабы (Алкогольдік ішімдік ішу немесе қоғамдық орындарға мас күйде келу), 434-бабы (ұсақ бұзақылық) және 5 АЕК көлемінде айыппұл салу бойынша екі әкімшілік жауапкершілікке тартылды. Ресейліктерден 17250 теңге өндірілді. Ұсақ бұзақылық бойынша материал процессуалдық шешім қабылдау үшін Алматы қаласының Әкімшілік құқық бұзушылық істері жөніндегі мамандандырылған ауданаралық сотына жіберіледі.