Алматыда қызметтік көліктің есігін ашпақ болған шетелдік әйелді итеріп, жерге құлатқан полицей қызметінен айырылды, деп хабарлайды Ulysmedia.kz.
Алматы қалалық полиция департаментінің мәліметінше, тәртіп сақшысы сабырсыздық танытып, іс-әрекетімен қоғамда наразылық тудырды. Салдарынан полиция қызметкерлері сынға қалды.
«Тәртіп бұзған қызметкер 14 маусым күні жұмыстан шығарылды. Ол полицей органда ұзақ жұмыс істемеді», – деп хабарлады департамент.
Еске салайық, бұдан бұрын әлеуметтік желіде полицейдің әйелге дөрекі күш қолданып, итеріп жіберген сәті таспаланған видео тараған болатын.
