7 шілде күні Астана қаласындағы EXPO аумағында «BAURZHAN foundation» қоры мен Астана қаласы әкімдігінің «Креативті индустрияларды дамыту орталығы» МКҚК қолдауымен Kitap Fest өтеді, деп хабарлайды Ulysmedia.kz.
Кітап фестивалі Қазақстанда 2014 жылдан бері жыл сайын өткізіліп келеді. 9 жыл ішінде ол шығармашылық кездесулердің беделді және қуатты алаңына, сондай-ақ отбасылық мерекеге айналды.
Фестивальде өткен жылдары белгілі қазақстандық авторлар мен баспалардың 300-ден астам кітабы таныстырылды. Кітап фестивалі қарапайым кітап алмасудан мәдени-ағартушылық іс-шараға айналып, көпшіліктің сүйіспеншілігіне ие болды.
Астана қаласында Kitap fest алғаш 2019 жылы өтті. Биыл астаналықтарды елорда күніне арналған ауқымды бағдарлама күтіп тұр. Мерекеде белгілі жазушылармен және блогерлермен кездесулер өтеді: Үнзилә Мыңбай, Ұларбек Нұрғалым, Мирас Асан, Перизат Мырзахмет және тағы басқалар.
30-дан астам дүкендер, баспалар мен интернет-дүкендер тұтынушыларға арнайы жеңілдіктер ұсынатын кітап жәрмеңкесі бар. Сонымен қатар, қонақтар оқыған кітаптарын әлі оқымаған кітаптарына айырбастай алады. Ең кішкентай келушілерді тегін ойын-сауық бағдарламасы күтеді.
Kitap Fest Астана бағдарламасы:
Жазушылар шатыры, отандық жазушылар өз кітаптарын таныстырып, пікір алмасады.
«Офлайн кітаптар туралы» шатыр, танымал блогерлер кітап оқудың пайдасы туралы пікір айтып, сүйікті шығармаларымен бөліседі.
«Қазақ қаламгерлері» шатыры, қазақ тілді жазушылардың Қазақстан әдебиетінің дамуы туралы баяндамалары.
Семинарлар мен лекциялар шатыры. жас жазушылар мен баспагерлерге кітаптарды насихаттау құпиялары, авторлық құқықты қорғау және т. б. туралы семинарлар мен дәрістер өткізіледі.
«Оқырман ұлттың ұрпағымыз» көрмесі. Қазақстан Ұлттық академиялық кітапханасымен бірлесіп сирек кездесетін кітаптарды, алғашқы басылымдарды көрсету. Мұрағаттық жазушылар мен ақындардың фотосуреттерінен құралған фотоколлаж.
Кітап жәрмеңкесі, кітап дүкендері, баспагерлер және интернет-дүкендері өз өнімдерін көрмеде ұсынады, Фестиваль барысында қалаған әдебиетті 20% - ға дейін жеңілдікпен сатып алу.
Балаларға арналған тегін ойын-сауық бағдарламасы. Түрлі ойындар, квесттер, шеберлік сыныптары, аниматорлар, тегін бет бояуы ұйымдастырылып, «Алдар көсе» спектаклінің сахналық қойылымы көрсетіледі.
«Кітап оқы және досыңмен алмас» кітап алмасуы сөрені әртүрлі жанрдағы қызықты кітаптармен толықтырудың бірегей мүмкіндігі.
Орталықтандырылған кітапхана жүйесінің бағдарламасы: кітаптардың тұсаукесері, поэтикалық батл және түрлі тегін ойын-сауық белсенділіктері.
Сондай-ақ, фестивальде «Ауылға кітап» акциясы өтеді, онда кез-келген оқырман өз кітабын Қазақстанның ауылдық кітапханаларына өткізе алады.
