4-ақ орын қалды: Ұлттық пантеонда кімдер жерленген

Ұлттық пантеон Астана маңында орналасқан, Қабанбай батыр кесенесінің айналасына салынған. Ол мемлекеттің, ғылымның, мәдениеттің көрнекті қайраткерлерін, сондай-ақ Қазақстанның дамуына үлес қосқан тұлғаларды жерлеу үшін салынған.

Бүгінгі күнге дейін онда мәдениет қайраткерлері Әбіш Кекілбаев, Фариза Оңғарсынова, Қонысбай Әбіл, Әнес Сарай жерленген.

Сонымен қатар, пантеонда жерленгендер:

Ақмола облысының әкімі Сергей Дьяченко;

Республикалық бюджеттің атқарылуын бақылау жөніндегі есеп комитетінің төрағасы Қозы-Көрпеш Жаңбыршин;

Парламент Мәжілісінің бұрынғы төрағасы Орал Мұхамеджанов;

Қазақстан Халық жазушысы Әбіш Кекілбаевтың жұбайы Клара Жұмабаева;

Парламент Мәжілісінің спикері Қабиболла Жақыповтың жұбайы – Баян Жақыпова;

Еңбек ардагері, Қазақ КСР бұрынғы білім министрі Қожахмет Балахметов;

Ақтөбе облысының әкімі Елеусін Сағындықовтың жұбайы – Мінаура Сағындықова;

Қазақстанның көлік және коммуникация министрі Қажымұрат Нағманов;

мемлекет және қоғам қайраткері Мырзатай Жолдасбековтың жұбайы Мария Ғабдуллина;

кеңес мемлекет және партия қайраткері Зейнолла Шайдаров;

Социалистік Еңбек Ері Ибрагим Жанғоразов;

Қазақстанның екінші Бас прокуроры Мақсұт Нәрікбаев;

Түркістан облысы әкімінің бірінші орынбасары Қосман Айтмұхаметов;

Бұрынғы Қорғаныс министрі, Халық Қаһарманы Мұхтар Алтынбаевтың жұбайы – Гүлбану Алтынбаева;

экономист Кенжеғали Сағадиев;

Сара Назарбаеваның ағасы Саяхат Қонақай;

кеңес мемлекет және партия қайраткері Зейнолла Шайдаров;

Ұлттық Ғылым академиясының академигі Серік Кирабаев.

Айта кету керек, Үкіметтің қаулысына сәйкес ұлттық пантеонға:

Қазақстан Президенттері;

Қазақстан премьер-министрлері және олардың орынбасарлары, Парламент палаталарының төрағалары және олардың орынбасарлары, мемлекеттік кеңесшілер, Президент Әкімшілігінің басшылары, Конституциялық соттың, Жоғарғы Соттың және Ұлттық Банктің төрағалары;

Министрлер, Қазақстан Президентіне тікелей бағынатын және есеп беретін мемлекеттік органдардың басшылары, облыстардың, республикалық маңызы бар қалалардың және астананың әкімдері;

"Халық қаһарманы", "Қазақстанның Еңбек ері" атақтарына ие болған тұлғалар;

"Алтын Қыран", "Отан", "Еңбек Даңқы" ордендерімен марапатталған азаматтар;

"Кеңес Одағының Батыры", "Социалистік Еңбек Ері" атақтарына ие болған азаматтар;

"Қазақстанның ғарышкер-ұшқышы" құрметті атағына ие болған азаматтар;

Президенттің ерекше шешімі бойынша басқа азаматтар;

пантеонға жерленуге жататын азаматтардың қайтыс болған жұбайлары жерленеді.

Айта кетсек, бұдан бұрын  Ұлттық пантеонды пайдалану ережесіне өзгеріс енгізілетіні хабарланған.