Түркияның Алания курортында Қазақстаннан келген туристер мінген шағын автобус апатқа ұшырады, деп хабарлайды Ulysmedia.kz.
Мәліметтерге сәйкес, автобус Окуржалар ауылының маңында D-400 тас жолында бағдаршамда тұрған жүк көлігіне соғылған.
Апат салдарынан түрік жүргізуші мен гид, Украина азаматы қаза тапты. 12 жолаушы жарақат алды, алтауының жағдайы ауыр, барлығы Алания мен Манавгаттағы ауруханаларға жатқызылды.
Жүк көлігінің жүргізушісі жауап алу үшін бөлімге жеткізілді.