«Қазақстан темір жолы» АҚ әйелдер купесі бар алғашқы жолаушылар пойыздарын іске қосты, деп хабарлайды ulysmedia.kz.
«Қазақстан темір жолы» баспасөз қызметінің мәліметінше, әзірге мұндай вагондар тек Алматы – Өскемен және Алматы – Маңғыстау бағытындағы пойыздарда ғана бар. Пилоттық жоба 10 қазанда басталды.
«Енді жолаушыларға пойыз таңдау құқығы беріледі: кәдімгі вагон немесе жеке әйелдер вагоны. Вагондардың бір-бірінен еш айырмашылығы жоқ, жол ақысы да бірдей. Тек кассадан және онлайн билет сатып алу шарттары ғана өзгеше», - делінген ҚТЖ хабарламасында.
Сондай-ақ, вагонға жеті жасқа дейінгі ұлдар да кіргізіледі. Компания халық тарапынан сұраныс болса, мұндай купелер басқа бағдарларда да пайда болатынын айтты. Әйелдер купесі бар пойыздар Алматы-2 стансасынан жөнелтілді.