Карантиндік шектеулер кезеңінде Қазақстан Республикасының мемлекеттік шекарасынан өту тәртібі ел аумағына еркін кіру бөлігінде өзгертілді, деп хабарлайды ulysmedia.kz.
Бұл туралы бүгін ҚР Премьер-Министрінің орынбасары Ералы Тоғжановтың төрағалығымен өткен ҚР аумағында коронавирус инфекциясының таралуын болдырмау жөніндегі ведомствоаралық комиссияның отырысында айтылды.
Осылайша, Қазақстан Республикасы азаматтарының туыстары болып табылатын шетелдіктер туыстық фактіні растаған жағдайда, Қазақстан Республикасының азаматтарының отбасы мүшелері болып саналатын ауыр науқастарға, ерлі-зайыптылар мен кәмелетке толмаған балаларды ертіп жүрген шетелдіктерге елге кіруге рұқсат етіледі.