Денсаулық сақтау министрлігі Қазақстандағы халықты иммундау жөніндегі Консультативті комиссиямен бірге халықты ревакциналау тәртібін айқындады, деп хабарлайды ulysmedia.kz.
ОКҚ алаңында сөз сөйлеген денсаулық сақтау министрі Алексей Цой халықаралық тәжірибелерге сәйкес, қосымша дозасын салу уақыты толық вакцинаны алғаннан кейін 6-9 айдан соң салынуы керектігін мәлім етті.
«Векторлы вакцинаны алған адамдар үшін ревакциналау уақыты инактивтелген вакцинамен 9 айдан кейін жүргізілуі тиіс. Инактивтелген вакцинаны алған адам үшін бұл уақыт 6 айдан кейін болады. м-РНК-вакцинаны алған адам үшін ревакциналау инактивтелген немесе векторлы вакцинамен 6 айдан кейін салынуы тиіс», - деді Алексей Цой.
Бұл ретте министр Спутник V компоненті емес, Спутник Лайт вакцинасы салынуы мүмкін екенін мәлім етті. Соңғы аталған екпенің өндірісі Қазақстанда жолға қойылған.
«Бұл шын мәнінде, Спутник V вакцинаның бірінші компоненті», - дейді Алексей Цой.