Бұл сұрақ бүгін үкімет отырысында вице-премьер Ерұлан Жамаубаевқа қойылды, деп хабарлайды Ulysmedia.kz.
Бұған дейін Қырғызстанның Ұлттық қауіпсіздік мемлекеттік комитеті Қамшы Көлбаевтың активтері бұғатталатынын мәлімдеген. Көлбаевтың барлық активтерінің болжалды құны шамамен 1 млрд долларды ұрайды, бұл заңсыз активтерді іздеу жұмыстарының алғашқы нәтижелері ғана. Оған тиесілі мүліктер Қазақстан мен Ресейден де ізделетіні хабарланды.
Алайда Жамаубаевтың сөзінше, қырғыз тарапынан сұраныс түспеген.
“Қазақстанда бұл адамға (Қамшы Көлбаев – ред.) тиесілі ақша немесе мүлік бар-жоғы жайлы айту қиын, өйткені ақпараттың тарағанына көп бола қойған жоқ. Қырғыз тарапынан сұраныс түсуіне қарай тиісті жұмыстар жүргізілетін болады”, – деді министр.
Еске салайық, Қамшы Көлбаев жуырда Бішкектегі арнайы операция кезінде қаза тапты. Ұстау кезінде күдікті қарулы қарсылық көрсеткендіктен қауіпсіздік күштері оған оқ жаудыруға мәжбүр болған.