×
469.17
495.07
7.56
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
469.17
495.07
7.56

"Малдар": Нығматулиндердің зауытына келген жаңа басшылар қазақтарды қорлаған

23.11.2022, 17:14
фото: ашық дереккөзден

Тараздағы "Қазфосфат" ЖШС жұмысшылары ереуілге шықты. Олардың сөзінше, Ресейден келген жаңа басшылар қазақтарды қорлаған, деп хабарлайды Ulysmedia.kz.

Наразылық акциясының видеосы әлеуметтік желілерде таралды. Бейнежазбадан жұмыс киімімен жүрген ондаған адамның көшеде жиналғанын көруге болады. Жазба авторының сөзінше, компания басшылығы қазақстандық қызметкерлерді "мал" деп балағаттаған.

"Қазфосфат" ЖШС зауытына Нығматулиннің шақыруымен ресейліктер келді. Олар қазақтарды үнемі қорлайды. Кеше ғана басшылардың бірі жұмысшы қазақтарды мал деп балағаттады. Барлық жұмысшылар олардың қазақтардан кешірім сұрауын талап етеді", - делінген жазбада.

Жамбыл облысының еңбек инспекциясы кәсіпорын басшыларының бірі қызметкерлерге дөрекілік көрсеткенін растады.

“Түсініспеушілік "Қазфосфат" ЖШС-іне қарасты цифрлық трансформация басқармасы  басшысының әріптестеріне дөрекі сөйлегенінен туындаған. Облыс әкімінің бірінші орынбасары Нұржан Календеров, облыс әкімінің орынбасары Қанатбек Мәдібек, облыс прокурорының орынбасары Нұрбек Ұласбекұлы қызметкерлермен кездесіп, түсіндіру жұмыстарын жүргізді. Басқарма басшысына қарсылық білдіріп, жиналған қызметкерлердің саны 200-ді құрады. Осы оғиғаға қатысты зауыт ішінен ерікті 20 адамнан құралған жұмысшы топ құрылды. Топ құрамына әр цехтың басшысы және кәсіподақ өкілдері еніп, өзекті мәселелер бойынша жұмыстар жүргізуде", - деп арнайы мәлімдеді  жүргізілген түсіндіру жұмыстарынан соң, әкімдік өкілдері”, – деп хабарлады ведомство.

Сондай-ақ, еңбек инспекциясы "Қазфосфат" ЖШС-іне қарасты цифрлық трансформация басқармасының басшысы әріптестерінен кешірім сұрағанын мәлім етті. Ол жұмыстан шығарылыпты.

Айта кетейік, "Қазфосфат" ЖШС құрылтайшылары Нидерландыда тіркелген Kazakhmys Resources B. V. компаниясы, сондай-ақ Нұрлан Нығматулиннің ұлдары – Нұрхан және Нұржан Нұрлановтар.

Тамыз айында компания басшысы болып Евгений Шибанов тағайындалғаны хабарланған.

Жуырда Экология, геология және табиғи ресурстар министрі Серікқали Брекешев Тараздың өндірістік бөлігіндегі Қазфосфат қалдықтары өңірдегі экологияның нашарлауына себеп болып отырған басты фактор екенін айтты.