Ертең Алмалы ауданында бір күн суық су болмайды. Бұл туралы «Алматы су» мәлім етті, деп хабарлайды Ulysmedia.kz.
Кәсіпорынның мәліметінше, сумен жабдықтау желілеріндегі жоспарлы жұмыстарға байланысты бірқатар тұрғын үй мен ғимараттар суық судан ажыратылады.
«8 маусым күні таңғы сағат 9:00-ден кешкі сағат 20:00-ге дейін Тілендиев – Райымбек – Розыбақиев – Дүйсенов көшелерінің бойында орналасқан тұрғын үйлер мен өзге де ғимараттарға суық су беру уақытша тоқтатылады», - делінген хабарламада.
«Алматы су» мекемесі уақытша қолайсыздыққа түсіністікпен қарауды өтінді.
Айта кетейік, астаналықтар өткен айдан бері судан тарығып отыр. Бұдан бұрын вице-премьер Алтай Көлгінов қаладағы су тапшылығы қашан жойылатынын айтты.