ҚТЖ десе, қазақстандықтардың есіне пойыздары үнемі кешігетін, адам таситын вагондары қора сияқтанып кеткен, жұмысшылары ереуілге үзбей шығатын, апатты жағдайдан көз ашпаған компания елестейді. Жақында «Қазақстан темір жолы» ұлттық компаниясы жаңалықтардың лентасында тағы да алдыңғы орынға шықты. Оған себеп – деподағы екі бірдей жұмысшының пойыз дөңгелегі астында қалып, қаза табуы. Бұдан бөлек, ұжымдық ереуіл мен Президент атына жолданған видеоүндеу. Видеода қарапайым жұмысшылардың жұмыс орнындағы жаға ұстатарлық жағдайы ашық көрсетілген.