«Астана жастары» жастар ресурстық орталығының еріктілері Халықаралық әйелдер күні мерекесі қарсаңында елорда тұрғындарын құттықтап, гүлдермен және шокаладтармен қуантып жатыр, деп хабарлайды Ulysmedia.kz.
Бұл туралы елорда әкімдігінің ресми сайты жазды.
Еріктілер гүл шоқтары мен шокаладты қаланың тұрғындар тығыз қоныстанған жерлерінде әйел адамдарға сыйлап жатыр. Акция жыл сайын өткізіледі.
Біздің мақсатымыз – нәзік жандыларға мерекелік көңіл күй сыйлау. Қымбатты ханымдарға бақыт, денсаулық және амандық тілеймін, - деді еріктілердің бірі Ерасыл Амантай.
Астаналықтар өз кезегінде көрсетілген құрметке риза болып, жастардың ниетіне алғыс білдірді.
Барлығына көп рақмет! Күтпеген жерден көңіл күй бірден көтерілді. Әрбір әйелге зор бақыт тілеймін! - деді Айнұр Смайылова.
Акция әлі де жалғасып жатыр. Еріктілер астаналық аналар мен аруларға 1000-нан аса гүл мен шокалад сыйлайды.